Na pooch...!

.
.
.
Khud hi khud ponch kar
ankhon se tapakta hua namkeen lahoo,

Dil k laawe ko kuch kuch, yunnnn thamana chaha.

Magar Shorish e jaan iss taur se barhti jati
jis trh girta hua koi,
ubhri hui chatanon ko pakarna chahe.
Aur ik akhri koshish ki tarah
jaan bhi jaan se guzarna chahe.

Kharonche purane zakhmon ko koi,
wo jo abhi bharne bhi nhi paye thay,
aur khoon k taza qatre,
jo baraha koshish k, na siyah hen na safed,
Yun umadte hen k jese,
baari baari qabron se madfoon nikal ate hen.

Ankhon k dareechon se wo yaaden,
Zeest k behr e purshor ko mamool pe laane kliye
zarurat bhi baaqi na rhi thi jin ki,

Han yaaden,
Dil k khwabeeda armaanon ko sulane kliye
kisi sam e qaatil ki hajat bhi na rahi he baad az jin k,

Aaj phir ik baar,
Naqsh e be-awezan k maslak pe chale,
deewaron pe munakas si hui jateen hen,
Hen bhi, aur hen bhi nhi.

Yun k roshan to kia krti hongi zehn o dil ko,
ik khanjar ki trh ujaale k seene mai utar jati hen
tube lite ki kirchian ban kar,
sehn e dil par se guzarne wale
har barhana-pa ko
apne hone ki saza deti hen.

Aur dil ka haal he kia, Faiz aur Ghalib k taur,
Mujh se bhi tu na poochhhh........!

Dated :- 26 Feb 09